அம்மா, பெண்டாட்டி

என் அம்மாவுக்கு ஏதாவது அன்பாக செய்தால் பெண்டாட்டிக்கு ஏன் சார் கோபம் வருது?
சார் அதனால நீங்கள் மனதை தளர விடாதீங்க. மனைவியிடம் நீங்கள் ரொம்ப 'தாய் பாசக்காரர்' என்று நிரூபிக்கத் தேவையில்லை. அப்புறம் ஒரு நாள் (உங்களுக்கு மகனிருந்தால்) உங்கள் மனைவியின் மருமகள் அவங்களை சரியாக கவனித்துக் கொள்வாள்.
வீரமாக மனைவியை திட்டாதீங்க. மிக மிக அமைதியாக பழி வாங்குங்க உங்கள் மனைவியை! அம்மாவுக்கு இன்னும் இரட்டிப்பாக நல்லது செய்யுங்கள்.
அப்புறம் இன்னொரு விஷயமுங்க: அவங்க மாமியாருக்கு நல்லது செய்யும்பொழுது அவங்களுக்கு எரிச்சல் வரவில்லை என்றால்தான் - மனைவிக்கு எதோ கோளாறு என்று அர்த்தம்.
ஏன் பிளாக் செய்கிறேன் எதற்கு செய்கிறேன் எப்படி செய்கிறேன் எங்கு செய்கிறேன் இதையெல்லாம் யோசித்து, வரும் எண்ணங்களை அடுத்த பதிவில் எழுத முயற்சிக்கிறேன்.

இந்த ப்ளாகை மேலும் அலங்கரிக்க ஒரு படம் மற்றும் லிங்க் சேர்கிறேன். தலைப்பை கிளிக் செய்தால் அருமையான ஒரு அம்மா கவிதை.

அது ஒரு நிலாக்காலம்.

எழுத்தாளர் சுஜாதாதிரைப்படத்தில் தோன்றும் காட்சி பார்த்ததுண்டா?
ஆமாங்க சமீபத்தில் லோக்சபா சானலில் பார்க்கும் யோகம் கிடைத்தது.
படம்: 'அது ஒரு நிலாக்காலம்'
சுஜாதாஅவர் மனைவியுடன் அந்த தியேட்டருக்கு வருகிறார் காரில். பொடியர்கள், அமரும் புள்ளியும் ப்ளாக் டிக்கெட் விக்கிறார்கள். புள்ளி சல்லீஸாக சுஜாதாவின் பேனாவை லவுட்டுகிறான்.
சீர்திருத்தப் பள்ளியில் அந்த வேலைக்காரப் பையன்கள் விதிவசத்தால் விழுந்த பயன் அது.
அந்த தியேட்டரில் இவர்கள் இந்த நிலைக்கான, இந்தப் பையன்கள் கடத்தியதாக கருதப்பட்ட 'நிலா' நடித்த திரைப்படம் ஓடிக்கொண்டிருக்கிறது.
பாவம் சிறுவர்கள். ஒரு நிலாக்காலத்தில் மாத்திரம் அவர்களால் நிலவுடன் விளையாட முடிந்தது.
Great சுஜாதா!
அடுத்த பதிவுக்கும் ஒரு கேள்வி பதில் தயார் பண்ணி விட்டேன் சார்!!

கேள்வியும் நானே பதிலும் நானே.

முந்தையப் பதிவு:

சந்தோஷம்

சமீபத்தில் நீங்கள் ரசித்துப் பார்த்த திரைப்படம் எது?

"மெக்கனாஸ் கோல்ட்."

கிட்டத்தட்ட நாற்பது வருடங்களுக்கு முன்னால் பெங்களூர் லிடோ தியேட்டரில் மெக்கனாஸ் கோல்ட் சினிமாபார்த்திருந்தேன்.

அப்பொழுது இவை எல்லாம் நடக்கும் என்று தெரியாது:

௧) டி வி என்ற கருவி வரும்.

௨) சன் -டி வி சானல் வரும்

௩)ஹாலிவுட் படங்களை அருமையாக தமிழ் வசனங்களுடன் நமக்குத் தருவார்கள்.

ஞாயிறு மாலையிலே 'மக்கான' என்ற சமாதனமான ஹீரோ, குறு குறுப்பான 'கலரேடோ' என்ற வில்லனுடனும் இன்னும் தங்க ஆசை கொண்டவர்களுடனும் சேர்ந்து, மலைகள் முட்டி நிற்கும் தரைகளிலே, குதிரைகள் மீதேறி விறு விறுவென்று தங்கம் தேடும் காட்சிகளைப் பார்த்தது மிகவும் சூப்பராக இருந்தது.

என்ன, அந்த ஹாலிவுட் அழகிகள் இயற்கையான குளமொன்ரிலே பிறந்த மேனியாக நீச்சல் போடும் காட்சிகளை கத்தரித்து விட்டார்கள்!

அடுத்த பதிவிலும் 'கேள்வியும் நானே பதிலும் நானே' என்று இன்னுமொரு கேள்வியைக்கேட்டு பதிலளிக்க முயற்சிக்கிறேன்

சந்தோஷம் 2

Fly over ஏறும்பொழுது ஒரு கவனம்.

இறங்கும்பொழுது ஒரு கவனம்.

கூட வரும் வண்டிகளை பார்த்து,

எனது வண்டியை திருப்பும்பொழுது ஒரு கவனம்.

கவனங்களில் வெற்றி கண்டு,

நேர் ரோடில் ஹாயாக வண்டியைசெலுதும்பொழுது ஒரு சந்தோஷம்!

நீண்ட நாட்களாக ஆனந்த விகடனில் வரும் "கேள்வியும் நானே பதிலும் நானே" பகுதியில் வருவது மாதிரி கேள்வி பதில் எழுத வேண்டும் என்ற ஆசை உண்டு. அடுத்த பதிவில் சந்தோஷமாக எழுதுகிறேனே!!